ليلة إمبارح
يا دايق النوم أوصفلى أماراته *** وسلفوا جفن حكمت فيه أماراته
ما فى ملوك المحاسن حد من ساله *** أنتا الحكيم فى حكمه وأمثاله
...صابر على الهجر متحرمنيش أماراته
ليلة إمبارح مجاليش نوم *** وإحنا لسه فى أول يوم
قبل ما ترمينى ف بحورك مش *** كنت تعلمنى العوم
أنا كنت لوحدى و ف حالى *** شوفتك معرفش اللى جرالى
راحت البال راحت من بالى *** قولتلها مع ألف سلامة
والحيرة قولتلها تعالى *** لا ملامة عليا لا ملامة
عمرى كوم والحب ده كوم *** وليلة امبارح أنا مجاليش نوم
قبل ما ترمينى ف بحورك *** مش كنت تعلمنى العوم
غابت شمس امبارح عنى *** خدها الليل خباها منى
بس أنتا يا قمر طمنى *** أوعى تخاف من أى ملامة
عمرى كوم والحب ده كوم *** وليلة امبارح أنا مجاليش نوم
قبل ما ترمينى ف بحورك *** مش كنت تعلمنى العوم
شدنى تيار الحنية *** والموجة بترقص حوليا
لما طلع الفجر عليا *** ولقانى ف قلب الدوامة
كنت بنادى بعزم ما فيا *** لا ملامة عليا لا ملامة
عمرى كوم والحب ده كوم *** وليلة امبارح أنا مجاليش نوم
أداء وألحان / سيد مكاوى
شعر / صلاح جاهين
=============
سيد مكاوي - ليلة امبارح أنا مجاليش نوم
https://www.youtube.com/watch?v=ISwcpa-VVHo
حلوين من يومنا
حلوين من يومنا والله وقلوبنا كويسة
وبقدم أحلى فرحة ومعاها ميت مسا
ياليل طول شوية ... ع الصحبة الحلوة ديه
الغالى علينا غالى ... ولا عمرة بيتنسى
حلوين من يومنا والله والله وقلوبنا كويسة
ياليل ابعت سلامى للناس الطيبة
فكرهم بالمحبة و بأيام الصبا
وابدر أفراحى غنوة ..يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالى علينا غالى..ولاعمره بيتنسى
الكلمة الحلوة دايماً بتجمع شملنا
والشوق يجمع ما بينا والحب يضمنا
ابدر افراحى غنوة يجعل أيامنا حلوة
وتعيش الفرحة دايماً فى قلوبنا قريبة
ياليل طول شوية ع الصحبة الحلوة ديه
دا الغالى علينا غالى... ولاعمره بيتنسى
حلوين من يومنا والله وقلوبنا كويسة
وبقدم أحلى فرحة ومعاها ميت مسا
ياليل طول شوية ... ع الصحبة الحلوة ديه
الغالى علينا غالى ... ولا عمرة بيتنسى
حلوين من يومنا والله والله وقلوبنا كويسة
كلمات: علي السوهاجي
ألحان: سيد مكاوي
========
حلوين من يومنا سيد مكاوي حفلة الكويت مسرح الاندلس
https://www.youtube.com/watch?v=M6AEd5XrgVA
اوقاتي بتحلو
اوقاتي بتحلو بتحلو معاك
وحياتي بتجمل برضاك
وبحس بروحي بوجودي
من اول ما بكون وياك
وياروحي ساعه ملاقاك
مش بس اوقاتي بتحلو
دي العيشه والناس والجو
والدنيا بتضحكلي معاك
اه من كتر حلاوه الايام
ونعيمي وسعيدي بلاياليك
مش بحسب اللي فات منهم كم
ولا بقدر افكر غير فيك
ده اليوم وياك يساوي زمان
واكتر من زمان بميئه بكره
والليل بلاقاك افراح وامان
حتى ولو كان من غير قمر
انا بيك على طول دائما مشغول
بحلم وبجول وبغني وبقول
اوقاتي بتحلو بتحلو معاك
وحياتي تكمل برضاك
وياروحي ساعه ملاقاك
مش بس اوقاتي بتحلو
دي العيشه والناس والجو
والدنيا بتضحكلي معاك
كلمات: عبدالوهاب محمد
ألحان: سيد مكاوي
=============
سيد مكاوي - أوقاتي بتحلو - حفلة تونس
https://www.youtube.com/watch?v=-UsgCBap8NU
ليست هناك تعليقات:
إرسال تعليق